शब्दकोष : कविता

 

शब्दकोश
- बिमल निभा

हिजोआज शब्दहरुले
एउटै अर्थ दिन छाडेका छन्

उदाहरणका लागि
तपाईं संसद्लाई संसद् भन्नाेस्
अथवा सुपरमार्केट
अान्दोलनलाई अान्दाेलन भन्नाेस्
अथवा धाेका
सिंहदरबारलाई सिंहदरबार भन्नाेस्
अथवा जुवाघर
व्यवस्थालाई व्यवस्था भन्नाेस्
अथवा जङ्गल
रक्षकलाई रक्षक भन्नाेस्
अथवा अपराधी
राजनीतिलाई राजनीति भन्नाेस्
अथवा ठेकेदारी
देशलाई देश भन्नाेस्
अथवा वधस्थल
कुनै फरक पर्नेछैन

म निरन्तर पाना पल्टाएर हेरिरहेछु
लाेकतन्त्रकाे शब्दकाेशमा
शब्दहरुले अर्थ हराएका छन्